• Grande parte da infraccións foron por tempos de condución e descanso, agora ben, tres de cada catro leves. Así mesmo, destaca o elevado incremento das infraccións por morosidade, que alcanzaron a cifra de 3.411.
• A finais deste ano porase en marcha unha inspección selectiva a aquelas empresas transportistas que teñan un histórico maior de sancións como consecuencia da nova regulamentación europea sobre clasificación de riscos das empresas.

O Ministerio de Transporte presentou o luns 23 de abril os resultados do Plan de Inspección levado a cabo en 2023, tanto polo Estado como polas Comunidades Autónomas, no sector do transporte de mercadorías por estrada, cuns resultados moi semellantes aos do ano anterior. Así, malia que a cifra de infraccións detectadas en 2023 é algo superior a 2022 (166.540 expedientes en 2023 fronte a 151.959 en 2022), resolvéndose un total de 144. 608 infraccións, sen embargo mantense o importe recadado no año anterior, en concreto de 90 millóns de euros.

Un ano máis, as infraccións máis habituais son as relativas aos tempos de condución e descanso, que ascenderon a 71.030 expedentes incoados, se ben o 74% das mesmas foron leves. Por manipulación do tacógrafo incoáronse 104 expedientes sancionadores, curiosamente unha cifra sensiblemente menor a 2022, que se chegou a 142 expedientes por manipulación. Comparativamente, as infraccións impostas polo limitador de velocidade quintuplicaron ás de manipulación do tacógrafo, alcanzándose neste caso un total de 560 infraccións.

A campaña de control da morosidade en 2023 rematou coa incoación dun total de 4.635 infraccións por non cumprir cos prazos máximos legais de pagamento, o que supón un elevado incremento fronte a 2022, ano no que só se incoaron 238 por este motivo. Desas 4.635 infraccións resolvéronse 3.411, correspondentes a actuacións levadas a cabo polo Ministerio de Transportes e as Comunidades Autónomas. Este brusco incremento no control da morosidade contrasta co leve control dos prezos do transporte, xa que en 2023 unicamente se realizaron 209 inspeccións, das que se incoaron un total de 24 infraccións.

No referente á realización de transporte sen autorización impuxéronse en 2023 un total de 8.698 infraccións, das que foron resoltas 6.317.

En materia de transporte internacional, incoáronse un total de 1.065 infraccións en 2023 a empresas estranxeiras que operan en España fronte a 803 expedientes en 2022, isto é, un incremento do 19% a respecto do ano anterior.

Tamén su produciu un incremento relevante das infraccións incoadas por excesos de peso: dos 18.167 expedientes incoados en 2022 aos 21.176 en 2023. É de destacar que, sei ben a maior parte das infraccións son de carácter leve, é no transporte de uso privado onde proporcionalmente se impuxeron máis sancións moi graves.

Así mesmo, como se establece no novo ROTT aprobado en 2019, comprobouse en 2023 a vinculación real do xestor de transporte a 10.211 empresas de transporte de mercadorías, detectándose un total de 410 infraccións.

Por último, tamén é de señalar que se produciu un incremento nas infraccións cometidas tanto no transporte de mercadorias perigosas (+11%), transporte de mercadorías perecedeiras (+30%) e por carencia de permiso CAP en vigor (+11%).

Avecíñase a posta en funcionamento de inspeccións selectivas segundo a clasificación de risco das empresas

O Ministerio de Transportes vén de confirmar ás federacións representativas do sector que a finais do presente ano porá en marcha o novo Regulamento europeo que establece a fórmula común en toda a Unión Europea para calcular a clasificación de riscos das empresas de transporte.

Segundo este Regulamento, o obxectivo é contribuír á harmonización das prácticas de control en toda a U.E., garantindo que todos os condutores e empresas de transporte reciban o mesmo trato nos controis e as sancións ao abeiro das normas da aplicables na Unión. En función do coeficiente de risco que cada empresa transportista posúa, as autoridades inpectoras poderán facer unha inspección máis selectiva sobre as empresas que teñan un maior índice de risco.

Para ese cálculo terase en conta o histórico sobre o número, gravidade e frecuencia das infraccións impostas a cada empresa transportista, así como os resultados dos controis cando non se tivera detectado infracción algunha, e se unha empresa de transporte por estrada estivo utilizando o tacógrafo intelixente.