O Ministerio publica a lista dos 321 transportistas beneficiarios de 30.000€ de axuda ao abandono da actividade en 2023.
Os 9,6 millóns de euros desta convocatoria só dan cobertura ao 26% das solicitudes presentadas.
As persoas beneficiarias deberán agardar á Resolución definitiva para poder tramitar a axuda ao abandono 2023, previa baixa na actividade.
O Ministerio publica a relación de persoas beneficiarias
A Dirección Xeral de Transporte Terrestre do Ministerio de Transportes, Mobilidade e Axenda Urbana publicou no BOE do martes 11 de xullo a Resolución Provisional pola que se outorgan as axudas a transportistas autónomos para o abandono da actividade do transporte por estrada. O Ministerio destinou 9,6 millóns de euros ao abeiro da presente convocatoria do ano 2023.
Con esta partida orzamentaria son unicamente 321 os transportistas beneficiarios cunha axuda de 30.000 euros. O que representa só un 26% das solicitudes presentadas nesta convocatoria de 2023.
Recordamos que as bases reguladoras das axudas ao abandono da actividade establecen a seguinte orde de peferencia na concesión:
1º) Ter recoñecida a incapacidade permanente total, absoluta ou grande invalidez.
2º) Solicitantes de maior idade.
Así, só resultaron beneficiarias aquelas solicitudes de transportistas con incapacidade recoñecida e as de maiores de 65 anos. Conforme se recolle na resolución provisional, as solicitudes excluídas dispoñen dun prazo de 10 días para presentar alegacións contando a partir da data da súa publicación no BOE.
Na seguinte ligazón directa se pode consultar a relación de beneficiarios publicada na web do Ministerio, así como as solicitudes excluídas e o motivo da exclusión:
Pola súa banda, as persoas beneficiarias deberán agardar á publicación por parte do Ministerio de Transportes da resolución definitiva de beneficiarios para poder tramitar o cobro da axuda. Para o que é necesario que o abandono da actividade de transporte sexa efectivo.
Previsiblemente, a Resolución definitiva será publicada polo Ministerio nas próximas semanas.
Permanece atento ás redes sociais de SINERXÍAS e á nosa web para estar ó día de todas as novas do sector do transporte por estrada.
Sede Porriño
