Novas axudas para a instalación dos tacógrafos intelixentes de 2ª xeración, obrigatorios a partir de decembro 2024 en Internacional
O tacógrafo intelixente de segunda xeración, que montarán os camións novos que se matriculen a partir de agosto deste ano, tamén será esixible en todos os camións que fagan internacional a partir de decembro de 2024, o que obrigará aos titulares deses vehículos a realizar a súa sustitución antes desa data.
O novo programa de axudas do “Cheque Moderniza Transporte” permite aos transportistas subvencionar ata a gratuidade a sustitución obrigatoria dos tacógrafos dos seus vehículos polos novos intelixentes.
Os transportistas interesados/as poden contactar xa co DEPARTAMENTO TIC de Sinerxías para ampliar información e solicitar esta axuda, que se recomenda dar trámite o antes posible pola limitación de fondos para este programa.
Solucións subvencionables a empresas con autorización MDPE, MDLE ou OT
1. Xestión de documentos de control electrónico
Implantación de software para a xeración e utilización do eCMR e documento de control electrónico, formación en uso da aplicación e soporte técnico durante 3 meses.
- Tipo de empresa: MDPE, MDLE e OT
- Importe máx. da axuda segundo a dimensión da empresa:
- Ata 3 empregados: 600€
- Máis de 3 ata 10: 1.300€
- Máis de 10 ata 249: 4.000€
2. Tacógrafo Intelixente de Segunda Xeración
Instalación e calibración do dispositivo no vehiculo, descarga remota e automática, formación en uso do novo tacógrafo e soporte técnico para dúbidas e incidencias por 3 meses.
- Tipo de empresa: MDPE
- Importe máx. axuda segundo a dimensión da empresa:
- Ata 3 vehículos: 3.000 €
- Máis de 3 ata 10: 7.000 €
- Máis de 10: 12.000 €
3. Integración de documentos de control electrónicos nos sistemas de xestión
Servizo técnico de integración e/o actualización dos sistemas de xestión das empresas para que ser compatibles coa xeración de documentos de control electrónicos por 1 ano. Así mesmo, formación en uso das ferramentas integradas.
- Tipo de empresa: MDPE, MDLE e OT
- Importe máx. axuda segundo a dimensión da empresa:
- Ata 3 empregados: 3.000 €
- Máis de 3 ata 10: 5.000 €
- Máis de 10 ata 249: 7.000 €
4. Implantación de sistemas TMS/ERP
Implantación e subscrición por 2 anos (incluído o hardware necesario) de:
- sistemas de xestión do transporte (TMS) que inclúan xeolocalización, control da frota (custos e condutores), integración co eCMR e control do tacógrafo intelixente de 2ª xeración, e, así mesmo, formación en uso;
- sistemas de planificación dos recursos da empresa (ERP) que inclúan produción, compras e vendas (orzamentos, xestión de pedios, albaráns, facturación etc.) e xestión documental (facturas, documentos, eCMR, etc.), e mais formación en uso da aplicación.
- Tipo de empresa: MDPE, MDLE e OT
- Importe máx. axuda segundo a dimensión da empresa:
- Máis de 3 ata 10: 2.000 €
- Máis de 10 ata 249: 5.000 €
Características xerais do «Cheque Moderniza Transporte»
O DOG de 28 de abril de 2023 publicou Orde pola que se convocan subvencións destinadas á modernización de empresas privadas de transporte de mercadorías e de viaxeiros por estrada, ao amparo do Real Deccreto 902/2022 de bases reguladoras publicado no BOE de 26 de outubro de 2022, financiadas con fondos Next Generation da Unión Europeo. Son en total 6 millóns de euros os que se destinarán á modernización do sector do transporte en Galicia.
O prazo de solicitude destas axudas, desde “Cheque Moderniza Transporte”, abriuse o día seguinte ao da publicación do DOG e estará vixente ata o 30 de xuño de 2024. En todo caso, sendo axudas que se outorgarán aos solicitantes en réxime de concorrencia non competitiva, recoméndase formalizar a solicitude o antes posible por razón da limitación de fondos de convocatoria, que seguramente non poida atender a todas as solicitudes que se presenten.
Beneficiarios finais das axudas
Pequenas e medianas empresas e autónomos que sexan:
- titulares de autorizacións de transporte MDPE, MDLE, O.T., VDE;
- presten servizos de transporte urbano de viaxeiros sen autorización;
- e/ou interveñan no proceso de transporte de mercadorías como cargador/descargador ou expedidor/receptor.
Solucións de modernización subvencionables
- Xestión de documentos de control electrónicos.
- Tacógrafo intelixente de segunda xeración.
- Integración de documentos de control electrónicos nos sistemas de xestión.
- Implantación de sistemas TMS/ERP.
- Implantación de sistemas SAE.
- Actualización de sistemas SAE.
- Axudas aos servizos de transporte de viaxeiros.
- Implantación de aplicacións para reclamacións por medios electrónicos.
- Mellora de sistemas de ticketing.
Número máximo de solucións
Cada beneficiario poderá elixir un máximo de 2 solucións de modernización.
Incompatibilidade co Kit Digital
Para empresas de menos de 10 traballadores beneficiarias previamente do Kit Digital, son incompatibles as seguintes categorías:
- Kit Digital «Xestión de clientes» con Cheque Moderniza solucións 8 e 9.
- Kit Digital «Xestión de procesos» con Cheque Moderniza solucións 1, 2, 3, 4, 5 e 6″.
Contías máximas das axudas
En función da dimensión da peme benefiaria (nº de empregados ou nº de vehículos), o Anexo I das Bases Reguladoras (R.D. 902/2022) fixa os límites de axuda para cada unha das 9 categorías de solucións anteriores.
Contratación con proveedores de solucións
Recibido o Cheque Moderniza polo beneficiario final, este deberá contratar no prazo de 3 meses cun provedor de solucións previamente rexistro no Ministerio de Transportes como tal, con quen o beneficiario asinará un acordo escrito a través do cal lle cederá o dereito de cobro do importe da axuda, a cambio de que este se encargue da implantación da solución e mais a súa xustificación ante a Administración.
Rematada a implantación da solución, para o cal o provedor dispón dun prazo dun ano logo da sinatura do acordo, este emitirá ao beneficiario unha única factura, tendo este último que abonar unicamente o IVE e mais a parte da base impoñible que excesa os límites da axuda.
Prazos solicitude
Ata o 30/06/2024 ou remate dos fondos destinados a este programa.
En Sinerxías contamos con un Departamento TIC altamente cualificado que pode axudarche a buscar a solución tecnolóxica que mellor se axuste ás necesidades da túa empresa. Consulta sen compromiso!
Sede Porriño
