Resúmese neste comunicado o contido da circular que a PACC, Plataforma de Afectados polo Cártel de Fabricantes de Camións constituída no seu día pola Federación FENADISMER co despacho xurídico NLD LEGAL ABOGADOS, vén de emitir co estado das demandas xudiciais interpostas contra as marcas de camións ante os xulgados españois e holandeses.

➔ Demandas en España (4.342 camións)

Presentáronse un total de 118 demandas agrupadas que en total incluíron a 4.342 vehículos, das cales 14 están en recurso de casación ante o Tribunal Supremo, 6 pendentes de sentenza tras celebración de xuízo, 73 en Audiencia Provincial e 25 pendentes de sentenza en primeira instancia.

As sentenzas están saíndo estimatorias, pero o Supremo está adoptando o criterio de recoñecer só un 5% a todos os expedientes, tras ditar as súas principais sentenzas en marzo e xuño de 2023, criterio que agora tamén están a adoptar os demais xulgados e audiencias. Neste contexto, a estratexia da PACC é conseguir que o  Supremo estime os recursos de casación da PACC instándose a considerar os informes periciais contratados no seu día pola PACC á consultora económica NERA. 

➔ Demandas en Países Baixos (3.871 camións)

En relación á demanda agrupada presentada na Corte de Países Baixos, esta Corte realizou consulta previa ao Tribunal Supremo holandés sobre a aplicabilidade da lei holandesa para todas as reclamacións contra o cártel deste procedemento conxunto, conseguíndose xa ditame favorable aos intereses dos demandantes.

Se ben os xulgados de Países Baixos como é sabido están completamente saturados xa que recibiron demandas de reclamantes de toda Europa, espérase fallo do T. Supremo nos vindeiros meses, aínda que podería retrasarse se este Tribunal solicita intervención do Tribunal de Xustiza das Comunidades Europeas (TXUE).

➔ Novas demandas en España (800 camións)

A PACC ten preparada un novo lote de demandas agrupadas en España na que se incluirán os 800 vehículos que quedaron pendentes por carecer da documentación necesaria para a interposición da demanda. e que logo do proceso de subsanación de deficiencias, xa están listas para presentar antes do remate do presente ano 2024.

➔ Demandas contra Scania (1.200 camións)

Son aproximadamente 1.200 camións da marca Scania cuxa documentación está neste momento en proceso de auditoría previa á peritaxe específica que destes se vai realizar. unha vez rematados estes traballos, a PACC procederá á interposición xudicial das demandas durante o ano 2025.