O 28 de xullo remata o prazo de inscrición para as probas dirixidas á obtención ou renovación do título de Conselleiro de Seguridade para o transporte de mercadorías perigosas.
Quen desexe chegar ás probas coa mellor preparación pode anotarse no curso que organiza SINERXÍAS, que comezará o 01 de setembro.
Tramitación de instancias e data das probas
O DOG de 28 de xuño publicou a Resolución da Dirección Xeral de Mobilidade, pola que se convoca a realización das probas dirixidas á obtención e renovación do Certificado de Conselleiro de Seguridade para o transporte de mercadorías perigosas por estrada e ferrocarril.
As persoas interesadas na obtención ou renovación do título dispoñen de prazo ata o 28 de xullo para tramitar telemáticamente a instancia que dá dereito a participar nas probas.
As probas terán lugar previsiblemente no mes de novembro deste ano 2023 (data exacta e lugar aínda sen concretar).
Coa finalidade de dotar da mellor preparación posible ás persoas inscritas para estas probas, SINERXÍAS organiza o curso de formación máis completo, na modalidade online (aula virtual), que dará comezo o venres 1 de setembro, e se desenvolverá todos os venres en horario de tarde-noite ata a data do exame. O prazo de inscrición para o curso de Conselleiro de Seguridade 2023 xa está aberto.
O custo do curso poderá bonificarse das cotas á Seguridade Social.
En qué supostos as empresas deberán contar cun conselleiro de seguridade?
O Real Decreto 1566/2009 establece os casos nos que as empresas deberán contar obrigatoriamente coa figura do Conselleiro de Seguridade:
- Empresas que realicen portes con mercadorías perigosas (independientemente do nº de viaxes que se realice ao ano).
- Empresas que dispoñan de depósito propio de combustible de capacidade superior a 1.000 litros, excepto que a empresa subministradora de combustible asuma a responsabilidade nas operación de descarga de forma expresa.
- Empresas que se provean de materias consideradas como perigosas necesarias para o desenvolvemento da súa actividade (industrias químicas, canteiras, etc.).
- Empresas que xestionen residuos catalogados como perigosos (residuos da construción que conteñen amianto, terras contaminadas, etc.).
SEDE O PORRIÑO
