Aprobados incrementos do 4% anual para 2023, 2024 e 2025 e do 3% para 2026 no Convenio Colectivo de Transporte de Pontevedra.
En vigor desde 1 de xullo de 2023
O Boletín Oficial da Provincia de Pontevedra publicou o día 8 de setembro o novo Convenio Colectivo de Traballo para o transporte público de mercadorías por estrada da provincia de Pontevedra para o período 2023-2024-2025-2026. Éste ten efectos de forma retroactiva desde 1 de xullo de 2023 ata 31 de decembro de 2026 para todas as empresas adicadas ás actividades de transporte regular e discrecional de mercadorías, operadores de transporte, así como auxiliares e complementarias do transporte de mercadorías, incluídas as actividades de mensaxería e entrega domiciliaria, paquetería e loxística radicadas na provincia de Pontevedra.
Novas táboas salariais
O acordo fixa unhas táboas salariais para os anos 2023, 2024 e 2025 que son o resultado de actualizar o salario base dos traballadores conforme os seguintes incrementos porcentuais para todas as categorías, sobre a base da táboa salarial de cada exercicio anterior:
- Para 2023: incremento dun 4% sobre o salario base de 2022 para todas as categorías, aplicable desde 01/07/2023.
- Para 2024: incremento dun 4% sobre o salario base de 2023 para todas as categorías.
- Para 2025: incremento dun 4% sobre o salario base de 2024 para todas as categorías.
- Para 2026: incremento dun 3% sobre o salario base de 2025 para todas as categorías.
Dietas
| Ámbito | PERÍODO | DIETA COMPLETA | COMIDA | CEA | PERNOCTA |
|---|---|---|---|---|---|
| GALICIA | 2023-2024 | 46 € | 13 € | 13 € | 20 € |
| GALICIA | 2025-2026 | 50 € | 14 € | 14 € | 22 € |
| ESPAÑA + PORTUGAL | 2023-2023 | 50 € | 14 € | 14 € | 22 € |
| RESTO EUROPA | 2023-2026 | 88 € | 24 € | 24 € | 40 € |
Antigüidade
A antigüidade devengarase desde o día 1 do mes natural seguinte ao seu vencemento, e queda fixada da seguinte maneira:
- nun 5% do salario base aos 5 anos,
- un 10% aos 10 anos,
- un 15% aos 15 anos,
- e un 20% aos vinte ou máis anos de servizos computables.
Seguramente che interesen tamén os seguintes temas:
SEDE O PORRIÑO
