En marzo de 2022 púxose en funcionamento na web do Ministerio de Transportes o Buzón de Denuncias, para poder comunicar de xeito totalmente anónimo calquera vulneración ou incumprimento do que se teña constancia da normativa de transporte e así facilitar o labor da Inspección de Transporte. Como se recordará, esta foi unha das medidas adoptadas polo Ministerio logo do acordo atinxido a finais de 2021 polo Ministerio de Transportes coas organizacións que compoñen o Comité Nacional de Transporte por Carretera (CNTC), órgano consultivo do Goberno en materia de transporte.

Logo de máis de 2 anos de vida, este Buzón recibiu case 10.000 denuncias de forma anónima, xa que para a súa presentación o comunicante non ten que achegar ao Ministerio ningún dato persoal, só simplemente a información relativa ás supostas irregularidades das que se teña coñecemento. Este anonimato facilita que os transportistas poidan denunciar sen medo a perder os seus clientes ou recibir ameazas doutros transportistas incumpridores, especialmente en determinadas infracións, como as relativas a morosidade notransporte, prohibición de carga
e descarga ou os abusos nos prezos de transporte, entre outras.

Sen embargo, é sumamente importante que o denunciante facilite de xeito preciso o maior número de datos posibles que permitan iniciar e centrar a actividade da inspección, xa que das denuncias presentadas ata a altura máis do 50% tiveron que ser arquivadas por falta de información suficiente.

No que respecta ás denuncias presentadas neste último año, cómpre destacar as seguintes cuestións:

1. A maior porcentaxe (ata un 53%) tiveron a ver coa morosidade, é dicir, con retrasos nos prazos de pagamento 53%
2. A continuación, a contratación por debaixo de custo atinxiu o 10% das denuncias e os incumprimientos en materia de carga e descarga o 8%.
3. Así mesmo, tamén se presentaron denuncias relativas a exceso de peso, manipulación do tacógrafo, transporte de mercadorías perigosas e vinculación inadecuada do xestor de transporte á empresa.

O acceso directo ao Buzón de Denuncias anónimo pode facer a través da seguinte ligazón: https://sede.mitma.gob.es/SEDE_ELECTRONICA/LANG_CASTELLANO/OFICINAS_SECTORIALES/TTE_CTRA/INSPECCION/buzon_inspeccion_tecnica/