• A declaración de ilegalidade deste imposto polo Tribunal de Xustiza europeo en 2024 abre a porta a que os transportistas que o pagaron e non o recuperaron totalmente pola vía do gasóleo profesional poidan reclamar a súa devolución.
• A Asociación VIEIROS pechou un acordo cun prestixioso despacho xurídico especializado neste tipo de procedementos que facilita aos interesados a interposición da demanda nunhas condicións económicas moi favorables.
• Prazo límite para formalizar a reclamación: 30 Abril.

Como seguramente saberás, en maio de 2024 o Tribunal de Xustiza da Unión Europea declarou ilegal o recargo autonómico do imposto de hidrocarburos que estivo vixente en España desde 2013 a 2018, imposto creado no seu día en sustitución do “céntimo sanitario” tamén declarado ilegal previamente, que estivo vixente ata 31 de decembro de 2012.

Este imposto tivo distintas contías durante os seus 6 anos de existencia en cada Comunidade Autónma, e na maior parte dos casos o seu importe foi devolto aos titulares de vehículos de MMA superior a 7,5 toneladas pola vía do gasóleo profesional. No seguinte cadro móstrase o valor deste imposto e a cantidade que se podía recuperar a través do gasóleo profesional:

(Nomenclatura: I.H.A.: Imposto Hidrucarburos Autonómico; D.G.P.: Devolución por Gasóleo Profesional; * Desde 01/02/2014, ** Desde 01/04/2015)

Como se pode ver, quen respostou en Galicia non puido recuperar en 2013 e 2014 1,2 cént.€/l. Andalucía, Catalunya, Estremadura e Madrid tampouco devolveron integramente o imposto.

Todos os autónomos e sociedades titulares de vehículos de transporte, xa sexan de servizo público ou de servizo privado, tanto de vehículos pesados como lixeiros, que consumiron carburante gasóleo A entre 2013 e 2018, que cumpran calquera dos seguintes requisitos:

Quen pode reclamar a devolución do Imposto Autonómico de Hidrocarburos?

A) Consumos non suxeitos a recuperación do IHA por gasóleo profesional por algún do seguintes motivos:

• Vehículos de MMA  non superior a 7,5 toneladas.
• Vehículos non dados de alta no Censo do Gasóleo Profesional.
• Repostaxes realizadas en depósitos de carburante non comunicados informaticamente coa Axencia Tributaria.

B) Consumos suxeitos a recuperación do IHA por gasóleo profesional

• Vehículos con consumos superiores a 50.000 litros/ano.
• Repostaxes realizadas nas seguintes CC.AA. e períodos: GALICIA (de 01/01/2013 a 31/12/2014: 0,012 €/l); ANDALUCÍA (01/01/2013 a 31/12/2015: 0,048 €/l); CATALUNYA (de 01/01/2013 a 31/01/2014: 0,048 €/l); ESTREMADURA (de 01/01/2013 a 31/12/2015: 0,048 €/l); e MADRID (de 01/01/2013 a 31/01/2013: 0,017 €/l).

Como e contra quen interpoñer a reclamación?

A estratexia xurídica a seguir vai ser a interposición por parte de cada empresa reclamante da reclamación de responsabilidade patrimonial do Estado lexislador, se ben non se descarta a posibilidade de interpoñer unha demanda civil contra as petroleiras en caso de enriquecimento inxusto. A tal efecto, a ASOCIACIÓN VIEIROS UNIDADE GALEGA DE TRANSPORTISTAS asinou un acordo cun prestixioso despacho especialista neste tipo de procedementos, cuxa actuación será coordinada desde os servizos xurídicos de SINERXÍAS.

Que custo ten interpoñer a demanda?

• Custo inicial: mínimo variable por vehículo + poder notarial para pleitos.
• En caso de éxito: 25% das cantidades recuperadas.

A onde dirixirse para formalizar a reclamación, documentación necesaria e prazos

As persoas interesadas en interpoñer a reclamación de responsabilidad patrimonial do Estado polo imposto de hidrocarburos autonómico declarado ilegal deberán dirixirse a calquera das oficinas de SINERXÍAS nos teléfonos 986169268 (O Porriño), 881243859 (Santiago) e 988989033 (Ourense) ou ben solicitalo por mail a info@sinerxias.gal.

A documentación que deberá prepararse e achegar, con data límite 30 de abril, é a seguinte:

• Folla de encargo cuberta e asinada.
• Facturas de carburante gasóleo A ordenadas e desglosadas por matrículas e estacións.
• Excel cuberto cos consumos.
• Informe de devolucións gasóleo profesional 2013-2018 por matrículas.
• Documentos identitarios de empresa reclamante: en caso de autónom@s, NIF da persoa autónoma; de sociedade, CIF, poder de representación, NIF representante/s.

DATA LÍMITE PARA INTERPOÑER RECLAMACIÓNS: 30 ABRIL