• Este luns 1 de xullo entraron en vigor as peaxes a camións en catro vías máis na provincia de Bizkaia (A-8, BI-10, N-636 e BI-30), que se suman ás peaxes que xa se aplicaban desde comezos deste ano na N-240 e BI-625.

Fronte á posición adoptada polo Goberno do estado de non implantar peaxes nas autovías e estradas españolas, polas consecuencias negativas que tería para a economía española e especialmente ás exportacións ao resto de Europa, a Diputación Foral de Bizkaia decidiu ir en contra e acordou implantar peaxes a camións nas principais autovías e estradas nacionais que circulan por esta provincia.

Esta medida articulouse a través da instalación de numerosos arcos de control en diferentes vías provinciais, inicialmente na BI-625 e a N-240 e desde este 1 de xullo foi ampliado ás estradas A-8, N-636, BI-10 e BI-30 (antiga N-637). A peaxe xestiónase mediante o sistema de comprobación de matrícula grazas á tecnoloxía free-flow instalada nos arcos, que permite calcular o importe en función da categoría Euro do vehículo, cargando directamente o importe da peaxe na empresa transportista titular do camión sen necesidade de ter que deterse.

Segundo os cálculos realizados por distintas entidades, esta peaxe suporá para as empresas transportistas que transitan por ditas vías uns 600 euros mensuais, o que terá un claro efecto inflacionista, afectando principalmente aos transportistas residentes nese territorio.

En efecto, no que atinxe ao sector do transporte por estrada, a única medida económica que inclúe o Real Decreto-Lei do Goberno é a posibilidade, do mesmo xeito que o Decreto aprobado en marzo, de solicitar o aprazamento do pagamento ata 4 meses das cotas da Seguridade Social, en concreto as dos meses de agosto a outubro de 2022, no caso de empresas, e entre os meses de setembro a novembro de 2022, no caso de transportistas autónomos, a condición de que o solicitante estea o corrente de pagamento da Seguridade Social e sen outro aprazamento en vigor, debendo solicitarse nos 10 primeiros días naturais de cada prazo regulamentario de ingreso, o que xerará un xuro do 0,5% da cantidade aprazada.

Por outra banda, o Decreto-Lei recolle outra das medidas normativas que si solicitaron as asociacións de transportistas, en concreto a referida á actualización da cláusula de revisión das tarifas do transporte ao peso real que representa o gasóleo na actualidade. Así, recóllese que, ata o próximo mes de decembro, no caso dos contratos de transportes continuados ao actualizar as tarifas de transporte que os transportistas perciben dos seus clientes
en función das variacións do prezo do gasóleo, aplicarase un 40% da porcentaxe de suba do gasóleo para os camións de maior tamaño (de máis de 20 toneladas de MMA), un 30% para os camións medianos (entre 3,5 e 20 toneladas), así como para os camións de obras e un 20% para os camións de ata 3,5 toneladas.

E como novidade nos contratos que realicen os transportistas para viaxes diarios ou ocasionais, establécese que, ata 31 de decembro de 2022, reflexen de xeito separado o custo do combustible necesario para a realización do transporte. Para determinar o custo do combustible neste tipo de contratos, tomarase como referencia o prezo medio do gasóleo de automoción en España que se recolle semanalmente no Boletín Petroleiro da Unión Europea.