A mobilización dos agricultores franceses amplíase a Portugal, cuxos agricultores bloquean tamén as principais vías de paso fronteirizo de camións, curiosamente a excepción de Galicia, e o Ministerio de Transportes decide flexibilizar os tempos de condución e descanso aos condutores afectados

  • Lonxe de rematar, o conflito dos labregos franceses recrudécese e os bloqueos a camións nas fronteiras amplíanse a Portugal, cuxos gandeiros bloquean os principais pasos fronteirizos con España, curiosamente a excepción dos de Galicia.
  • O Ministerio de Transportes decidiu flexibilizar de modo excepcionar a normativa de tempos de condución e descanso aos condutores afectados polos cortes de circulación derivados destas mobilizacións.

A autoestrada A-9 en Le Boulou está cortada polas actuacións dos agricultores franceses, sendo desviado o tráfico pola autoestrada AP-7, en Figueras e na C-38 en La Jonquera. Así mesmo, tamén se están a producir incidencias nas principais autoestradas galas:

  • A7 en Vienne, Chanas-Bollène e Aviñón (sentido Lyon e Maarsella).
  • A8 entre Puget su Argens e Frèjus (sentido Italia).
  • A9 en Gallargues-Nimes e Remoulins, na bifurcación A9/A7 en Orange (ambos sentidos).
  • A10 en Saint-Maixent-Poitiers, Saintes-Granzay-Gript, Corzé-Durtal nas dermarcacións de Chartres e Angers (ambos sentidos).
  • A20 en Montauban (ambos sentidos).
  • A54 entre Nimes e Garons (ambos sentidos).
  • A62 entre Montauban e Agen (ambos sentidos).
  • A68 entre Montastruc e Toulouse (ambos sentidos).
  • A71 entre Vierzon e Bourges (ambos sentidos).
  • A87 entre Chemillé e Thourcé (ambos sentidos).
  • A89 entre l’Abresle-La Tour de Salvagny e Périgueux (ambos sentidos).
  • A10 en Ìle-de-France, en Dourdan, sentido París.

Ademais, son numerosas as estradas nacionais e departamentais francesas afectadas por bloqueos e operacións de marchas lentas. Pódese consultar a situación do tráfico en tempo real en Francia no seguinte portal: https://www.bison-fute.gouv.fr/maintenant.html

Polo que atinxe a Portugal, neste momento está cortada a circulación nos seguintes pasos fronteirizos:

  • A-62 en Fuentes de Oñoro (Salamanca)
  • N-5 en Elvas e Río Caya (Badajoz)
  • N-521 en Valencia de Alcántara (Cáceres)
  • N-433 en Rosal de la Frontera (Huelva)
  • N-525 en Las Casiñas (Cácares)
  • EX107 en Villanueva del Fresno (Badajoz)
  • HU-7400 en Paymogo (Huelva)

Para información actualizada do tráfico: https://infocar.dgt.es/etraffic/

O Ministerio de Transportes español decide flexibilizar a norma de tempos de condución e repouso aos condutores afectados

O Ministerio de Transportes decidiu de forma excepcional publicar unha Resolución no BOE de hoxe 1 de febreiro, co obxecto de flexibilizar os tempos máximos de conducción e mínimos de descarso dos condutores afectados polos cortes e retencións en Francia e a ambos lados da fronteira con ese país.

Así, desde 22 de xaneiro ata 4 de febreiro de 2024 (ambos incluidos), permitirase ampliar o límite de condución máximo diario de 9 a 11 horas, o semanal de 56 a 60 horas e o bisemanal de 90 a 120 horas, e redúcese a esixencia do descanso diario de 11 horas a 9 horas. Ademais, permítese a posibilidade de tomar dous descansos semanais reducidos consecutivos de alomenos 24 horas.

En todo caso, convén ter en conta que esta relaxación temporal das normas dos tempos de condución e repouso é de aplicación exclusiva aos condudores que xustifiquen a realización de operacións de transporte de mercadorías por territorio galo durante este período.