• A reducida partida orzamentaria de 9,6 millóns só alcanza a cubrir 321 transportistas con incapacidade permanente declarada ou idade avanzada.

• Por primeira vez, quédanse fóra transportistas cos 66 anos cumpridos.

O Ministerio de Transportes e Mobilidade Sostible publicou no BOE de 10 de xullo a Resolución Provisional pola que se outorgan as ayudas a transportistas autónomos de avanzada idade ou en situación de invalidez para o abandono da actividade de transporte por estrada que o solicitaron no presente ano 2024. 

A partida orzamentaria destinada este ano polo Goberno de só 9,6 millóns de euros cumpriu cos pronósticos e por tanto mostrouse a todas luces insuficiente para cubrir as necesidades do sector, xa que unicamente permitiu cubrir a demanda de 321 transportistas, isto é, só 1 de cada 5 transportistas solicitantes conseguiron ser beneficiarios.

Así, a cifra de transportistas solicitantes que fican fóra das axudas, malia cumprir perfectamente cos requisitos para seren beneficiarios, medra ano a ano case exponencialmente, pasando de 889 en 2023 a máis de 1.200 en 2024, e sobrepasando por primeira vez a barreira psicolóxica dos 66 anos de idade. 

Por primeira vez, transportistas solicitantes cos 66 anos cumpridos quedan fóra, feito este que deixa ben ás claras que esta axuda está lonxe de cumprir coa súa finalidade social. Neste contexto, a federación FENADISMER segue instando ao Ministerio a que o ano 2025 sexa certamente un punto de inflexión e nos orzamentos do vindeiro ano se aprobe un incremento do orzamento destinado as estas axudas, para así favorecer unha retirada digna dun colectivo sometido a importantes riscos e enfermidades e fomentar un necesario relevo xeracional.

Lista completa de beneficiarios

A lista completa de beneficiarios provisionais, así como de transportistas excluidos e motivos de non concesión (tendo estes un prazo de 10 días para alegacións) pode ser consultada na web do Ministerio de Transporte na seguinte ligazón:

https://www.transportes.gob.es/recursos_mfom/comodin/recursos/resolucion.prov_.abandono.2024.pdf.xsig_.pdf

Así mesmo, os transportistas beneficiarios da axuda deberán agardar uns días a que o Ministerio faga pública unha nova Resolución coa lista definitiva de concesión da axuda.