• O prazo para inscribirse nas probas dirixidas á obtención e renovación do título de conselleiro de seguridade remata o 8 de agosto.
• Quen desexe presentarse ás probas coa mellor preparación ten no curso de formación que ao efecto organiza SINERXÍAS a mellor chave para o éxito.

O DOG de 8 de xullo publicou a Resolución da Dirección Xeral de Mobilidade pola que se convoca a realización das probas dirixidas á obtención e renovación do certificado de conselleiro de seguridade para o transporte de mercadorías perigosas por estrada e ferrocarril.

Os interesados na obtención ou renovación do título dispoñen de prazo ata o 8 de agosto para tramitar telematicamente a instancia que dá dereito a participar nas probas, que terán lugar no mes de novembro deste ano 2022 (data exacta e lugar aínda sen fixar).

Co obxecto de dotar da mellor preparación posible ás persoas inscritas para as probas de novembro, SINERXÍAS organiza o curso de formación máis completo, nas modalidades presencial e online, contando cos docentes máis experimentados da materia.

O curso dará comezo en setembro e o custo poderá bonificarse das cotas á Seguridade Social.

—

En que casos as empresas deberán contar cun conselleiro de seguridade?

O Real Decreto 1566/2009 establece os casos nos que as empresas deberán contar obrigatoriamente coa figura do Conselleiro de Seguridade:

• Empresas que realicen portes con mercadorías perigosas (independientemente do nº de viaxes que se realice ao ano).

• Axencias e operadores de transporte que subcontraten portes con mercadorías perigosas (independientemente do nº de viaxes que se realice ao ano).

• Empresas que dispoñan de depósito propio de combustible de capacidade superior a 1.000 litros, excepto que a empresa subministradora de combustible asuma a responsabilidade nas operación de descarga de forma expresa.

• Empresas que se provean de materias consideradas como perigosas necesarias para o desenvolvemento da súa actividade (industrias químicas, canteiras, etc.).

Empresas que xestionen residuos catalogados como perigosos (residuos da construción que contexen amianto, terras contaminadas, etc.).