A listaxe inclúe máis de 400 empresas, algunha con multa superior a 125.000 euros, observándose empresas morosas en todos os sectores económicos, desde grandes almacéns a empresas de alimentación, fabricantes de automóbiles, ou operadores loxísticos entre outros.

O réxime sancionador de loita contra a morosidade no sector do transporte por estrada aprobado a finais de 2021, unido á actividade proactiva levada a cabo de oficio polos Servizos de Inspección de Transporte neste eido, están azoutando de forma intensa a reducir os prazos de pagamento nos servizos de transporte, e condicionando decisivamente un proceso de adaptación por parte de cargadores e intermediarios á nova regulación, cuxos prazos medios de pagamento roldaba os 90 días, tal como ten advertido o Observatorio da Morosidade que a Fundación Quijote para o Transporte vén advertindo periodicamente.

Así, co obxecto de contribuír a un maior cumprimento dos prazos máximos de pagamento no sector do transporte, a Lei que estableceu o novo réxime sancionador incluiu a obriga de que a Administración de Transportes fixera pública con carácter periódico a relación das empresas cargadoras e intermediarias sancionadas ata a data con multas firmes en vía administrativa ou, en caso de terse interposto recurso contencioso-administrativo, en vía xudicial. Cumprindo co isto, o Ministerio de Transportes publicou na súa web unha nova relación de empresas non cumpridoras sancionadas en firme no segundo semestre de 2023, que inclúe máis de 400 empresas cargadoras e intermediarias, pertencentes a practicamente todos os sectores económicos de actividade.

De entre estas, destaca sobranceiramente polo maior importe a sanción imposta á empresa Trans Sesé, cuxa multa supera os 125.000 euros. Ademais, na relación figuran empresas de grande relevancia, como DHL, El Corte Inglés, Galletas Gullón, Bacardi, Pescanova ou Renault España.

Así mesmo, o Ministerio de Transportes ten a disposición de todos os transportistas un buzón de denuncias anónimo no que pode presentar calquera reclamación por incumprimento á vixente lexislación de transportes, incluído os prazos máximos de pagamento, sen que o denunciante teña que facilitar ningún dato persoal para deste xeito preservar o seu anonimato. O acceso dir4ecto ao Buzón de Denuncias anónimo do Ministerio é o seguinte:

https://sede.mitma.gob.es/SEDE_ELECTRONICA/LANG_CASTELLANO/OFICINAS_SECTORIALES/TTE_CTRA/INSPECCION/buzon_inspeccion_tecnica/