A desestimación do último recurso de Scania abre a porta a que, por fin, quen mercou vehículos desta marca entre 1997 e 2011 poida demandar a esta polo sobrecusto derivado da súa participación no famoso Cártel de Camións, para o cal poden dirixirse a Sinerxias ata o 30 de abril.

O pasado 1 de febreiro de 2024 o Tribunal de Xustiza da Unión Europea fallou no sentido de desestimar finalmente o recurso de casación interposto no seu día por Scania contra a sanción multimillonaria (880 millóns de euros) que lle fora imposta en 2017 pola Comisión Europea por participar xunto ás outras 5 marcas europeas de camións no denominado “Cártel dos Fabricantes de Camións”, cártel a través do cal esas marcas concertaron ilegalmente prezos e outras condicións do mercado europeo de vehículo industrial desde 1997 a 2011. Como se recordará, a excepción de Scania que decidiu recurrir e a sentenza é firme agora logo de case sete anos de resolucións, recursos e apelacións, as demais marcas optaron por recoñecer a súa participación neste Cártel.

Esta sentenza abriu a porta interposición desde 2017 de múltiples demandas por danos e prexuízos contra as marcas sancionadas por parte dos afectados directamente polo Cártel ilegal, isto é, aqueles que mercaron camións entre 1997 e 2011 das marcas sancionadas, reclamándose un resarcimento por danos equivalente ao sobrecusto estimado no prezo de compra do vehículos derivado do Cártel, máis os xuros legais desde o momento de compra.

A Plataforma de Afectados polo Cártel de Camións (PACC), plataforma promovida en 2017 pola federación FENADISMER xunto co equipo de avogados NLD e que agrupa a demanda de máis de 15.000 vehículos afectados polo Cártel doutras das marcas sancionadas, vén de facer público que, de igual xeito que coas outras marcas participantes no Cártel, os afectados que mercaron camións SCANIA entre 1997 e 2011 poderanse incorporar á Plataforma de Afectados PACC aportando os seus vehículos a esta Plataforma, ben para litigar directamente no xulgado contra a marca, ben cedendo integramente os dereitos da demanda.

En consecuencia, aqueles transportistas que mercaron vehículos Scania entre 1997 e 2011 poden dirixirse a Sinerxías, cuxa Área Xurídica xestiona a través da PACC un novo paquete de demandas ata o 30 de abril.