Dentro do entorno da Rede Eusumo, Sinerxías organiza en O Porriño a seguinte Xornada – «A COOPERATIVA DE TRANSPORTES: ALTERNATIVA REAL DE AUTOEMPREGO».
Data e lugar
Esta actividade levarase a cabo o día 24 de setembro, en horario de 07:15 a 15:15h en O Porriño.
Obxectivo
Nun sector específico da Economía Social como o transporte, trátase de dar a coñecer o potencial da cooperativa de transporte como alternativa útil para a incorporación ao mercado laboral a través de autoemprego de mulleres, persoas mozas e persoas en risco de exclusión social.
Destinatarios
A xornada está enfocada a persoas mozas (particularmente menores de 30 anos), mulleres e persoas en risco de exlusión que desexen ou aspiren emprender no sector do transporte, e/ou que desexen coñecer as posibilidades que ofrecen as cooperativas de transporte como alternativa de autoemprego.
Contidos
Os temas que se tratarán durante a xornada, serán os seguintes:
I. Aspectos normativos xerais das cooperativas de transporte.
II. O universo cooperativo do transporte en Galicia.
III. Incorporación ao mercado do transporte.
IV. Tratamento e solucións para colectivos de difícil inserción laboral.
V. Igualdade nas cooperativas de transporte.
VI. A comercialización do transporte na cooperativa.
VII. A central de compras cooperativa.
VIII. Profesionalización e innovación na cooperativa de transporte.
IX. Intercooperación no sector do transporte.
X. Caso de éxito. Exemplo real.
Cartel informativo
Qué é a Rede Eusumo?
A Rede Eusumo é un tecido colaborativo promovido pola Xunta de Galicia e formado por diferentes entidades para o fomento e desenvolvemento da economía social.
Persegue os seguintes obxectivos:
- Ofrecer apoio directo á creación e consolidación de emprego con base no ámbito colaborativo e da economía social.
- Ofrecer medios para fomentar o emprendemento e o autoemprego, entre os que se inclúen: información, formación, asesoramento e instalacións físicas para iniciar proxectos empresariais.
- Realización de encontros con asociacións e empresas, análises e estudos sobre temas de interese para a economía social e o desenvolvemento local.
Cómo me anoto para participar da xornada?
Podes inscribirte chamando directamente ao número 881 243 859, ou enviar un correo electrónico a info@sinerxias.gal co asunto «XORNADA A COOPERATIVA DE TRANSPORTES: ALTERNATIVA REAL DE AUTOEMPREGO».
Canto tempo dura a xornada?
A xornada terá lugar o domingo 24 de setembro, en horario de 07:15 a 15:15h.
En total suman 8 horas.
Esta actividade enmárcase no programa de actuación 2022 da Rede Eusumo. A Rede Eusumo é unha rede de colaboración impulsada pola Secretaría Xeral de Apoio ao Emprego, Traballo Autónomo e Economía Social da Consellería de Promoción do Emprego e Igualdade para o fomento do cooperativismo e a economía social que conta co financiamento do Ministerio de Traballo e Economía Social.
SEDE O PORRIÑO
