• A non comunicación en prazo pode comportar unha infracción sancionable con 801 €.

Tal como establece o artigo 28 do Real Decreto 97/2014, de 14 de febreiro, polo que se regulan as operacións de transporte de mercadorías perigosas por estrada en territorio español, todas aquelas empresas que realicen operacións de embalaxe, carga, descarga ou transporte de mercadorías perigosas teñen a obriga de contar cun conselleiro de seguridade e deberán remitir, durante o primeiro trimestre do ano seguinte ao da actividade desenvolvida no ano precedente,  Informe Anual previsto na normativa vixente. Unha copia do informe será conservado pola empresa transportista durante 5 anos.

Así pois, como todos os anos, as empresas transportistas dedicadas ao transporte de mercadorías perigosas teñen a obriga de elaborar un informe anual, que será redactado polo conselleiro de seguridade da cada unha delas, e que se deberá remitir á Dirección Xeral de Mobilidade (órgano competente en materia de transportes da Xunta de Galicia) con data límite o 31 de marzo de 2023.

A non remisión do citado Informe Anual ás autoridades competentes poderá supor unha infracción de carácter grave prevista na lexislación de transportes e sancionada con multa de 801 €.

Para non esquecer…

O Real Decreto 1566/2009 establece os casos nos que as empresas deberán contar coa figura do Conselleiro de Seguridade obrigatoriamente:

A. Empresas que realicen portes con mercadorías perigosas (independientemente do nº de viaxes que se realice ao ano).

B. Empresas que dispoñan de depósito propio de combustible de capacidade superior a 1.000 litros, excepto que a empresa subministradora de combustible asuma a responsabilidade nas operación de descarga de forma expresa.

C. Empresas que se provean de materias consideradas como perigosas necesarias para o desenvolvemento da súa actividade (industrias químicas, canteiras, etc.).

E. Empresas que xestionen residuos catalogados como perigosos (residuos da construción que contexen amianto, terras contaminadas, etc.)