O Tribunal Supremo dita sentenza a varios recursos contra o Cártel de Camións

No día de onte, 15 de xuño de 2023, o Tribunal Supremo ditou unha sentenza en relación a varios recursos de casación plantexados contra o Cártel dos Fabricantes de Camións.

Logo dunha lectura rápida desta sentenza, cuxa extensión supera as 600 páxinas, o Tribunal recoñece o dereito dos transportistas afectados a reclamar e a seren indemnizados. Fixando nun 5% do valor de adquisición do vehículo o dano soportado polos demandantes. Para que as indemnizacións sexan superiores, será necesario xustificar un dano maior mediante unha peritaxe fundamentada.

Neste sentido, convén destacar que a reclamación colectiva da Plataforma de Afectados polo Cártel de Fabricantes de Camións (PACC), promovida no seu día por FENADISMER e o gabinete xurídico especializado de NLD Legal Abogados y Asesores Especialistas, conta co máis rigoroso e sólido informe pericial.

O informe resultante foi froito dun laborioso traballo e estudo econométrico realizado por unha consultora internacional especializada, partindo dos datos empíricos recollidos de máis de 15.000 vehículos analizados. Asímesmo, este arduo traballo motivou que as demandas interpostas pola PACC tardaran en presentarse nos xulgados, en comparación con outras.

A sentenza establece tamén o dereito a reclamar o cobro de intereses dende o momento no que se efectuou o pago do precio do camión. Recordamos que esta demanda aglutina aos compradores entre os anos 1997 e 2011 de vehículos industriais das marcas Daf, Daimler-Mercedes, Iveco, Man, Renault-Volvo e, posteriormente, Scania.

Coa maior brevedade posible, o gabinete de NLD emitirá un informe de conclusións máis detallado sobre a sentenza do Tribunal Supremo, logo de analizar detalladamente as súas máis de 600 páxinas do que permaneceremos moi atentos para seguirvos informando.